![[ إشتهاءات الألوان ]](http://flash01.arabsh.com/uploads/image/2012/02/06/0c33434a62f7.gif)
LinkBack URL
About LinkBacks
دايرة مقفولة
--------------------------------------------------------------------------------
مرسومه دايره
بين البيوت بتفوت تسال الاحياء والميتين
فى القبورواللى عاشوا قبل منهم من سنين
لية شهور عدت عليهم كل مرة شايلة صرة
من الوجع ما تحركوش يفتحوها ويكشفوا ستر المرض
لو عرض نفسة حتى ف شكل بلياتشو ظريف
اسمة النكد مسرور
دايرة بهدومها القديمة وهية اغنى من كتير
سرقوها نايمةاو فى حالة من الحبور
طيبة وخايبة سايبة ايدها لكل واحد يشتريها
او يجيبها ف وسط شلة ويحتويها
والحجج واهية وكريهة
الكرم مرة السبب السبب مرة القرابة
وكل مرة يتركوهافى الخرابة بدون غطا
يستر ثراها
دايرة تايهة
بين ايدين اغراب بيتبادلوا الشراب
دم الحليب
بيجيب حلاوة الروح من الجدر البعيد
ولة اثار باقية فى الفرع القريب لولاد عمامها البياعين
دم التراب
بترول وطين
واخدينهم الاغراب مستحلبينهم فى العرين
بتاع زمان
والكل شايفينهم هناك على كل عين دلوقتى
مستعدين للبدل حتى بشرفهم
عشان تعيش تحتهم كل الكراسى المنعشة
ومدندشة بالمحرومين
بيلف فوقها التور اعمى العينين مش شايف
مش بايدة
لو بايدة كان مسحها من سنين
اول حروفها الميم
ومنين اجيب كلام بعد السلام مالوش غير معنى واحد
واقف على كل باب مادد ايدية
يشحت ودان تسمعة
واللى يتسامر مروا قدام كل باب يضحكوا
واللى قاعدين يتمحكوا
يمكن يفوزوا باكل بوزوا وبعدها يتمتعوا بالمغريات
ويبرطعوا فى الامسيات
ويسرحوا على كل قاعدة يفرقوا ليل الكلام الدود علينا
يقرفنا من الحياة
الشاعرة السكندرية اسماء محمودالسلام عليكم ورحمة الله وبركاته
 |
 |
 |
رد مع اقتباس
المشاركة الأصلية كتبت بواسطة علي الناصر
مواقع النشر (المفضلة)